Kaca:Wawacan Ahmad Muhammad.djvu/345

346

 

19.	Mun manéh rék ménta jakat, Coba hélor tuh ka ditu ka Raja Habsi, Hélor manéh geura mundur, Luh-lah ngagokan ka urang, Sabab déwék Raja Sundan eukeur nafsu, Datuk Bendara ngajawab, Éh musrik kalanattullah.
20.	Bangkawarah ucap siya, Ieu aing matak datang médan jurit, Rék ngayonan siya pupu, Lain arék ménta jakat, Bangkawarah siya ucap jangji capluk, Ka kuping ku Raja Sundan, Telingané lir disebit.
21.	Luh kuwé mamang bilang gila, Énak saja diya bilang sama sini, Jaga-jaga baé luh, Kutika dipukul diya, Kalu diya besar hati lagi mukul menyaut, Radén Bandara jaga, Kolu-kolu sendiri.