Tinggang ku Radén Mantri,
Ditakis panakis tetekna jimat beusi kuning,
Parasani geus puguh,
Dina cameti silang,
Seug murubut pedang,
Dén Gancapuri beuk murubut ka bumi,
Gancapuri kagét barina nambalang.
14.
Na ieu pedang beut murag,
Beut murubut cara keusik,
Wijaya Sutiya nyoba,
Nu matak pedang silaing,
Jadi bubuk cara keusik,
Totondén manéh geus nangtung,
Bakal bubuk dihakan,
Ieu ku pakarang aing,
Gancapuri nyandak deui éta tumbak.
15.
Cing ieu mun digjaya,
Tampanan tumbak aing,
Putra Sang Tangga nadahna,
Jekok tumbak Gancapuri,
Putra Sang Tanggot teu gimir,
