Ieu kaca geus divalidasi
1
BABAD SUMEDANG
1. Pupuh Asmarandana
- Kawula hatur pangéling, 1
ka sadaya kadang warga,
ka nu sepuh ka nu anom,
dina hal ieu carita,
sumawona aksarana,
awonna kaliwat langkung,
wantu sim kuring teu ngalap. - Aksarana henteu uni,
ngan pikeun lulumayanan,
aksarana kasar kabuh,
kawantu henteu sakola,
ngan kuring bawaning hayang,
sugan laun-laun becus,
bawaning ku dileuleukan. - Kuping kuring enggeus yakin,
soca anu enggeus nyata,
gentarna anu geus jongok,
enggeus nyata sadayana,
anu aya dina papan,
pangambung anu geus nungtung,
jumenengna ing kawula. - Kakara jumeneng gusti,
tapi kudu harti pisan,
tingkah polah éta kabuh,
kanyataan kanugrahan,
karasa teu asa-asa,
raos anu sapatemu,
nu murba sakabéh alam.
//
