Ieu kaca geus divalidasi
2
- Alam masing kaharti,
keur waktu dina ibarat,
ĕta bĕda-bĕda kabĕh,
rupana reujeung basana,
keur waktu dina muktina,
aksara nu tilu puluh,
pabalatak rupa-rupa. - Ĕta tĕh kudu kaharti,
nu tilu puluh aksara,
sarĕatna kitu kĕnĕh,
sarĕat geus puguh pisan,
sumawona hakĕkatna,
aksara nu tilu puluh,
beunangkeun ĕta sundana. - Ma’rifatna kudu yakin,
sumawon reujeung sulamna,
aksara jeung rupa kabĕh,
enggeus nyata dina papan,
manah manĕh tĕh nyatana,
mawurna tĕh dina waktu,
nu lima perkara tĕa. - Awak nu opat perkawis,
nya ĕta ngaran sambeyang,
aksarana wau jeung bĕ,
nya ĕta aksara kasar,
ari ngaran salat ĕta,
anu sunat migawĕna waktu,
nya ĕta nu ngaranna salat. - Aya basa salat hiji,
