Ieu kaca geus divalidasi
- Engkang téh amamah Raja
Lamun percaya mah Nyai
Gentrasari heug haturan
Ayeuna mah ka Sim kuring
Kedah kersa ngiring kuring
Engkang tangtu jeneng Ratu
Lamun Engkang teu kersa
Geus hamo jeneng dipati
Ari landing sumangga urang néangan - Sakitu putri lahirna
Jadi kitu kersa Nyai
Ari engkang nu diseja
Nyiar tambah anu gering
Mapay sagara Kilisih
Dongkap ka Gunung teu nimu
Néangan Tirta bulayah
Ari ngaran engkang Nyai
Ceuk nu nyebut Radén Mas Jaka Mursada