Ieu kaca geus divalidasi
- Dibawa sasamak pandan
Anggelan ku pangarih
Meureun disasar dirampa
Anu bagel dikurihit
Nyi Putri ngajembél pipi
Ngadelék imut sumahur
Usada Tirta Bulayah
Saenyana dulur kuring
Anu gaduh di Nagri Pulo Salaka - Lalampahan Tilu Bulan
Jauhna tina Kilisih
Sumangga téang ku Engkang
Radén Bagus walon deui
Gampang gaduh pamajikan
Tobat Engkang lain nampik
Ngan éta nu jadi piker
Hayang meunang landing Ibu
Nu ngarana Tirta bulayah
Sukur lamun meunang Nyai
Tangtu Engkang asup kana sisindiran
