Ieu kaca geus divalidasi
- Lain lantung tambuh laku
- Nu ngaran tirta Bulayah
Anu boga bejana Ratu pawasir
Ari kula rék cacaluk
Mikeun teu mikeun rék ménta
Éta kitu Jaka Bergola nu keur napsu
Ngomong bari ngajajagang
Hag sia beuweung ku aing
Ponggawa para gegeman - Coba cekél ieu satria mencuri
Bét rék ménta jimat Ratu
Patih sakitu saurna
Radén Bagus ku gegeman geus diképung
Sét mésat duhung pusaka
Wasiat ti Nabi Hidir
Lumayan aya pangarah
Mun teu nyaho nya aing putra Raja Erum
Nya ngaran Jaka Mursada
Rék nyiar tamba nu géring
