Ieu kaca geus divalidasi
- Lajeung diamuk gegeman
Patulayah nu paeh patumpang tindih
Kesis métu géni hurung
Nu ka hiji paeh lima
Radén Bagus pangamukna enggeus liwung
Balad patih ampi béak
Patih maju gadag-gidig - Dilawan ku Ardanaya
Bareng tepung digebah ku buta patih
Ardanaya tipecat jauh
Buringas barina hudang
Ardanaya tambah napsuna nyuruntul
Ki Naya Genggong narajang
Ka buta géplék nampiling - Jaka Bergola malikan
Datang deui Ardanaya bék nampiling
Patih malik tuluy maju
Naya Genggong jol ti tukang
Sor narajang bari narik gobang lubuk
