Ieu kaca geus divalidasi
- Jeung sapirang-pirang balad
Mana urang ning caringcing
Mangka ari geus ka darat
Kitu pihatur pangiring
Bari tumpak maung cai
Lampahna iwal mihayu
Kadi barat keur katiga
Sumirinting kadi angin
Laut bongbong narajang karang disorang - Enggeus deukeut ka daratan
Ditinggal ku balad patih
Pada ngomong itu naha
Jukung teu dikalah geuning
Ngawasakeun patih cengkiling
Nu matak simkuring nyangling
Nya éta sok goreng ati
Enggeus diberik kapungkur
Agan muduning iyatna
Karana teu pantes teuing
Mun manggakeun sadia parabot perang
