Ieu kaca geus divalidasi
- Tumpak na naha naon éta
Disebutkeun rakit deui
Komo meureun dicalukan
Kapal mah sok komo deui
Pada ngomong balad patih
Sugan éta tumpak lauk
Ceuk sawareh tumpak naga
Da tapak Kangjeng mah lain
Enggeus deukeut kaget narepakan dada - Sabab lauk tembong gigirna
Tembong panon biduri
Jeung sisitna ogé emas
Ceu sawareh mun dikali
Enggeus beunang ku urang sisit
Dijual geus tangtu nutung
Pok deui sawareh balad
Sarta barina sumahur
Taksiran Jaka Mursada
Naha itu tumpak rakit
Mun parahu meureun katenjo curukna
