Ieu kaca geus divalidasi
- Urang dahar heula hayu
Atawa ngarot ci kopi
Radén Cumina dihormat
Mangga tuang heula kopi
Eukeur pesta kasémahan
Sok abong lamun teu ngiring - Sang Ratu Erum ngadawuh
Jadi kitu kersa rai
Rama mundut di tulungan
Mangga akang rék badami
Jeung garwa anu dua
Kumala jeung Gentra Sari - Garwana dua disaur
Kapamengkan kabéh calik
Teu kantos sareng ibuna
Sang putri Andaya Sasih
Geus calik lebet pamengkang
Ratu Anom seug ngalahir
Ka nagara Pulo denda
Kalangkung melang sim abdi
Sang Ratu Erum ngandika
Aéh rai tong rusuh teuing
