Ieu kaca geus divalidasi
- Raja sepuh ngadangu weweling
Légar manah deui ngandika
Sakitu nu diteda téh
Kang putra nu kitu sukur
Geura pék nulis ki patih
Ari basana mah serat dawuh Ratu Erum
Patih indit bari nyembah
Lajeng angkat ka pabean patih nulis
Basana cohag kirang adab
(-1 Padalisan) - Dateng Ratu salawé nagari
Ku perkara sampéan ngalamar
Nanyaan ka anak déwék
Numatak déwék teu wangsul
Ratnawulan geus boga salaki
Samalah ditikahna mah
Ti jaman kapungkur
Ratu Erum nu kagungan
Ratnawulan serat geus dicap sakali
Kaula Raja Umbaran
Unggélkeun putra jeung ama
Ratnawulan geus ditikah ku simkuring
Kitukeun baé dina surat
