Ieu kaca geus divalidasi
- Sadayana ninggali ka luhur tanggah
Pada ngalah ngomong muji
Ka Ratna Komala
Ieu istri leuwih gagah
Istri geulis téh tur skti
Ceuk menak rama
Nu ngalem ka Géntrasari - Para ratu rumaos kawon jurit
Ratu salawé mucicid
Taya nu sasauran
Dirante untuy-untuyan
Ratu Erum seug ngalahir
Ieu babandan pokiangkeun ka nagari - Ku kang patih saréng ku radén Cumina
Kaula mangkat pandeuri
Jeung kabéh boyongan
Ari babandan ratuna
Sakabéh panjara beusi
Ku kajeneman
Hoyong ngiring ka nagara
Ngantosn di Erum kuring
Amit ka engkang
Putri dua ngapung deui