Ieu kaca geus divalidasi
- Kitu omong anu nyamar nini
Lahir putri si nini karunya
Geuwat emban nini béré
Lusa bawa heula ka dapur
Nyi emban indit jeung nini
Raja Yamani pikirna
Sajeroning kolbu
Nya ieu nu diteangan
Ratu mana awéwéna alus teuing
Dalah ayeuna meunang - Kitu pikir raja Yamani
Ku nyi emban ka dapur dibawa
Pék dibéré sangu poe
Api-api rék dibungkus
Sarta waktuna geus burit
Raja Erum teu uninga
Nini-nini matur nyembah
Ari pokna akan nini rék musafir
Anu mawi ngadeuhues
