Ieu kaca geus divalidasi
- Natadewi nyandak Ratnawulan
Ari putri Gentrasari
Nyandak putra raja
Nyi Mayang Erum dicandak
Geus kaluar anu maling
Ratna Komala
Jeung raina Gentrasari - Ngapung deui Gentra jeung Komala
Kira wanci tengah peuting
Pulang maling gancang
Ka nagara Erum ngungkulan
Geus nyedot kahandap deui
Putri nu dua
Geus asup baé ka bumi - Ratu Erum teu kulem sabab ngantosan
Rawuh patih para mantri
Sakabéh baladna pada karék sasaréan
Komala jeung Gentrasari
Turun kahandap
Asup ka tempat Yamani
