Ieu kaca geus divalidasi
- Ratu Erum kagaét barina ngandika
Dalah geuning sumping rai
Eta Ratnawulan
Tonggoy baé sasaréan
Coba Nyai sina nyaring
Nyi Ratnawulan
Ana lilir deukeut nangis - Jeung ngarontok ka ratu Erum rakana
Nyai Mayang Erum lilir
Kagaét lebet manahna
Mencrong waé gawéna
Mayang Erum teu ngalahir
Ngan dina manah
Saha anu mawa aing - Naha ieu nagara naon ngarana
Sumping dua garwa
Sareng nyandak Ratnawulan
Gentrasari nyandak putri
Anakna raja
Jeung anakna mah bet geulis
