Ieu kaca geus divalidasi
- (...) mah engkang ulah kajongjonan
Geus tangtu Raja Yoman
Nyusun ngarurugan
Tangtu mawa balad buta
Engkang kudu ati-ati
Masing iyatna
Sumangga candak cambeti - Ratu Erum nyungkelang duhu nu iyatna
Nimbalan ka dua patih
Nyadiakeun balad
Ponggawa rawuh gagamanana
Ratu nu salawé nagri
Jol nungtut datang
Sarta mawa pejurit
Aya matak resep teuing
Kitu pamikirna
Mayang Erum héran manah
Keur saré deui
Kocap geus beurang
Ratna Komala ngalahir
