Kaca:Wawacan Jaka Mursada.pdf/3

Dalang wayang ti Mitarama
Nya éta nu boga catur
Ku jisim kuring dikarang


5. Anu kawilét digurit
   Lalakon Jaka Mursada
   Raja Erum nu kocap téh
   Jenengan sang Raja Yuta
   Raja meujeuhna nonoman
   Yuswa opat puluh tahun
   Raja Rum waktu jenengan



6. Patihna Radén Cangkilling
   Sarta patih gagah rongkah
   Paadatannana goréng
   Mun metakeun padamelan
   Keras geretek ngagentak
   Molotot ngareuhak nyiduh
   Patih sok kitu ngadatna



7. Teu inggis murilitkeun ceuli
   Harakna tur barangasan
   Kawantu patih gegedén
   Padérékan kanjeng raja
   Henteu aya kagilana
   Ari kanjeng raja Erum
   Ngamanah badé pawarang