Ieu kaca geus divalidasi
- Garwa raja geus putus cacawis
Lajeng siram Eneng Ratna Wulan
Saparantos siram eneng
Ka jero bumi asup
Dilisah nyerotan luis
Jeung disalin panganggona
Cahyana ngabur
Keur geulis Nyi Ratna Wulan
Beberesih lir pendah emas disangling
Cahaya wulan purnama - Sabab putri putra raja Mesir
Car sumurup ku Néng Ratna Wulan
Kitu gancaning carios
Enggalna sang Ratu Erum
Jebul sumping ka nagari
Maréntah ku tinggal distrik
Sadayana pada ngaosan
Dibeban ngajuk
Somahna anu teu boga
Dimistikeun ku lurah jeung patinggi
Geus kumpulna di nagara
