Ieu kaca geus divalidasi
- Raja Yoman nya kitu
Ti pangkéng dagal-digil
Langak-longok ka paseban
Ngilikan istri nu geulis
Diarey-arey ku barudak
Kolot mah gilaeun gigis - Ari kanjeng ratu Erum
Jeung ratu salawé nagri
Eukeur pada sukan-sukan
Sami calik dina korsi
Sarta marayunan méja
Sawaréh keur tuang kopi - Aya anu maén kartu
Nu sawaréh maén cekip
Sawaréh nu maén bola
Teu resep pisan berenti
Teu eureun sotéh néangan
Milih ronggéng anu geulis
Dicirian ti beurangna
Gondéngeun engké tipeuting
