Ieu kaca geus divalidasi
- Geus siang ku damar lampu
Raja Rum lunta tipeuting
Kira-kira bada isa
Dur nyeungeut mariyam deui
Dur tariji keur tatabeuhan
Nu lalajo heurin usik - Di lebet nyi Mayang Erum
Maridang jeung Gentera Sari
Kombala jeung Ratna Wulan
Pada nganggo sarung kali
Sanggul nagngo sisir emas
Ditarétés emas rukmin - Ti lebet sang putri lungsur
Ka pangkéng sami calik
Nyi emban paheula-heula
Pagelek-gelek nu ngiring
Upacara gulang-gulang
Para ratu masing-masing
Di Erum nu sukan-sukan
Ti isuk nepi ka burit
