Ieu kaca geus divalidasi
- Ulah resep ngalem muji
Ngagungkeun ka anu lian
Nya sing hadé awak manéh
Ulah ngomong lalawora
Matak réa anu ngéwa
Geus puguh lamun ka maru
Marukan téh hadé éta - Puguh ka musuhan badis
Bieu omongan manéhna
Ngalem deui ka kami téh
Pagar téh ahli panalar
Geuning kitu cek manéhna
Sami ngadelék téh giruk
Omong manéh kaliwat - Mun ngomong ka Gentera Sari
Cara bieu nya pangucap
Meureun manéh dijejewét
Sabab gagabah omongan
Mudu bener ucap lampah
Mana montong ngalem batur
Nya ngurus awak manéh
