Ieu kaca geus divalidasi
- Sampung rampung dawuh gusti
Dawuh Raja nya los kita
Nyembah amit Naya Génggong
Ti lebet anggeus kaluar
Lempang rusuh gagancangan
Barang dtang nyampak putus
Juragan geuning geus babar - Andaya Sasih ngalahir
Kumaha bieu ceuk raja
Eukeur dawuhna ka manéh
Naya Génggong pok haturan
Nun agan dawuhan raja
Moal linggih kanjeng ratu
Ngan maparin panjenengan - Mun pameget murangkalih
Kakasih Jaka Mursada
Lamun istri nu medal téh
Mist piceun ka walungan
Kitu dawuh kanjeng raja
Ka abdi bideu kawulanun
Kitu pihatur badéga
Piceun baé walungan
Éta ulah dihirupan
Kitu dawuh Raja Erum
Naya Genggong lemék jawa