Ieu kaca geus divalidasi
- Teu répéh nyi putri nangis
Jumengkat top nyandak pedang
Semu nu rék meuncit manéh
Ku raja pedang di téwak
barina raja ngandika
Néng sing éling ulah kitu
Engkang ayeuna nitahan - Emban geura sahur patih
Nyi emban ti dapur lumpat
Emban miwarang lopérés
Nitah deui gulang-gulang
Gulang-gulang geuwat lumpat
Teu lami nu disahur
Patih ngdeuheusan ka raja - Raja nimbalan ka patih
Aéh patih ayeuna leumpang
Tong mulang heula patih téh
Andaya Sasih geura bawa
Ka leuweung bari teulasan
Tapi gotong kana tandu
Pék bawa eujeung orokna
Hate asa dijejewét
Henteu ayeuna pangoloan
Boro baé enggeus sumpah
Kasanggupan rék diukum
Kari-kari dirasanan
