Ieu kaca geus divalidasi
- Sok jeung aing perang pupuh
Aing keur keuheul titadi
Keur nyatu digeuwat-geuwat
Patih rada hemar-hemir
Geus taya batur saurang
Nyaur patih lebet galih - Héran bet éta si namru
Teu nyana ka aing wani
Wani neunggeul pameunteu
Wirang raosna jeung risi
Ki patih maos isimna
Jeung salirana ngagidir - Tina kuda patih lungsur
Narajang teu tempo deui
Nampiling ka Ardanaya
Ditepak tangan Ki patih
Ditumbuk iga burungna
Patih tibeubeut teu eling - Ku Naya Genggong dituyung
Ditalipuk birit patih
Ki patih cengkat buringas
Nyabet ku pedang ki patih
Patih ditakis pedang
Kulubu kuwani marilit
