Ieu kaca geus divalidasi
- Nya putri teu kulem deui
Harita dongkap ka beurang
Geus beurang seug nyaur baé
Ka badéga anu dua
Naya Génggong Ardanaya
Badéga anggeus di payun
Dareuheus badéga dua - Andaya Sasih ngalahir
Naya Génggong Ardanaya
Na kami alamat naon
Tadi ngimpi lalayaran
Tapi kalem parahuna
Éta aing ngimpi kitu
Naon éta balukarna - Ku duaan coba pikir
Jeung alamat naon éta
Sakitu lahir putri téh
Pok piunjuk Ardanaya
Nun Agan bakal cilaka
Pok Naya Genggong ih alus
Ari raos sim abdi mah - Nyi putri ngandika deui
Kasebut alus kumaha
Jeung wakcakeun Naya Génggong
Ngahuleng jero kulambu
Bari ngamanah impénannana
