Ieu kaca geus divalidasi
- Barang nepi kana tandu
Bedéga dua arasup
Orok aya geuning nangis
Murangkalih pék dilahun
Pili genti mangku orok - Ardanaya muka kanjut
Aya bawang jeung cariu
Dikokos bet liat geuning
Ceuk Naya Genggong na atuh
Puguh cariu dikokos - Ari manéh pan orok mah perlu
Bubura jeung pupuk suhun
Geuning sok nenjo paraji
Geus kieu kumaha atuh
Mikiran anu ngalolos - Nu duaan sapeupeuting ngajararentul
Ti soré dongkap ka subuh
Ardanaya geus ngalahir
Urang indit baé hayu
Ka mana urang téh nya los
Tengah leuweung-leuweung-liwung
Bisi kuluk bubungaok