Ieu kaca geus divalidasi
- Nu keur hampat mendak sumur
Sumur karungkupan dungus
Ngagorobas ngagubrag keur lumpat tarik
Nyangkoroh dijero sumur
Andaya Sasih ngalegon - Tunda putri dina sumur
Patih Cangkiling kacatur
Ngadeuheus ka kanjeng Gusti
Keur lalinggih dina batu
Ka patih dawuh sang Katong - Kumaha kang patih putus
Andén Sasih dihukum
Jeung nyembah patih Cangkiling
Unjukan ka sang prabu
Unjukan patih ngabohong - Nun gusti sumuhun putus
Dalah gusti kitu panuju
Saur putri puas teuing
Kami sok ijid ka maru
Genah ayeuna geus kojor
Dina sinjangna ngajemblong