Ieu kaca geus divalidasi
- Pihatur mursada nuhun
Bari nampanan paparin
Enggal murangkalih dangdan
Leuwih kasép taya tanding
Medal cahaya lir bulan
Jeung Nabi ngandika deui - Ayeuna téh Asép Enung
Eyang kasép pépéling
Mangké téh kudu tatapa
Tapa sajeroning mincing
Ari eupana ku Domba
Lobana pat puluh siki - wasiat éyang sakitu
poma Asep ulah lali
ayeuna asep ku Éyang
dianteurkeun ka Ambu Tamli
sabab Asep asal tinya
kitu saur Nabi Hidir
