Ieu kaca geus divalidasi
- Lajeng di cap ditilepan
Sareng ku raja ditawis
Seug deui raja ngandika
Ka Radén patih Cangkiling
Ayeuna baé Ki Patih
Montong engké montong isuk
Ka Mesir nyanggakeun serat
Tampi serat Radén Patih
Patih kebat kalur ti padamelan - Gacang sumping ka bumina
Patih Cangkiling tarapti
Badéga nyelangan kuda
Opatan nu bakal ngiring
Ngiringn badéga Patih
Tukang kaén tukang kimpul
Tukang epok geus sadia
Numawa jeung cakah-cikih
Nu saurang rada senang tukang sela - Gancang Ki Patih Angkat
Ngalamar ka nagri Mesir
Nitih kuda gagancangan
Sigeung lampah Raden Patih
Kocapkeun sang Raja Mesir
Sakalian kanjeng rama
Badé pésta siang wengi
Ngan sakitu unggelna lebeting serat
