cengkat, nyampeurkeun bari jeung meled, ngaburu anu nyaur, ceuk pribumi sumangga linggih, dina korsi antosan, ieu mamang tanggung, bade salat asar heula, kacaturkeun enggeus diuk Ujang Salim, dina korsi ngantosan.
Mas Jaro mah tuluy bae balik, buru-buru wireh acan salat, Jang Salim sorangan bae, dina korsi cand ukul, bari mikir sajero ati, ngantosan nu keur salat, ewuh pikeun nyatur, nyarioskeun lalakonna, lamun enggeus dipariksa ku pribumi, mikiran baris jawab.
SINOM.
Sinom liwung ngalelewang, Jang Salim ngadaweung mikir, diwangwang tambah salempang, atina henteu sak deui, samar bisa kapanggih, dulur nu disusul-susul, pribumi tangtu nanya, asal-usul waktu tadi, pangna aing ka dieu datang neangan.
Tangtu aing kudu wakca, kabuka rasiah aing, kapaksa kudu dibabar, asal-usul waktu tadi, tina waktu mimiti, asal ramana dijantur, upama teu nyarita, sugan pareng bae hasil, malakmandar kapapay raratanana.
Tapi enggeus nyata pisan, Usup nu disebut tadi, lain anu diteangan, da eta mah enggeus bukti, saur Mas Jaro geuning, turunan bangsa Tubagus, sarta puguh ramana, jol pikiranana deui, lamun wakca na' aing naon gorengna.
Da lain nyaturkeun salah, balikan dibuni-buni, carita teu sawakcana, meureunan salah di aing, kabendon Maha Suci, ngabohong sumput-salindung, tur lain lampah nista, kitu pikir Ujang Salim, bari tanggah rurat-reret ningal gambar.
Gambar anu rupa-rupa, ngagarantung dina bilik, barang lebah lawang pisan, pintu nu terus ka bumi, Salim kaget teh teuing, nyeblak hatena rumanjug, katingal ti nu anggang, kawas potret keur ngabaris, nu tujuhan nu poho tinggaleun tea.
Potret ibu jeung Salamah, Mas Lurah jeung Den Wiryadi, Cep Tarlan reujeung pamanna, salim meleng bari cicing, ditingal ti
