deui patépang, kawuwuh sami walagri, handjat tina tjotjobi, ama pihatur sakitu, kalajan muga2, sumurup lébéting galih, ulah raos dihina dipituahan.
12. Sang Radjaputra Purnama, saréng rai Sang Pramanik, nampi saur Sang Pandita, nitis kana lébét galih, tumungkul sému isin, raos kalépasan kalbu, ngékélan kadjaheutan, murilit kana njungkélit, ku djalaran nampi séséndon ti sépah.
13. Teu lami Radja Pinutra, ngawalér ka Maha Rési, raos laksa kanuhunan, nampi wédjang ama Rési, putra kalintang nampi, kasuhun miwah kasurup, kalajan moal kéndat, ditétéskeun dina ati, rek didamél djadjahan odjahing raga.
14. Saur Rési nuhun pisan, pihatur ama katampi, didamél kana lumajan, pikeun narik galih sutji, ku Agan saréng rai, kitu deui ama tangtu, wireh waktos ajeuna, Agan sinaréngan rai, nampi sihing Allah anu sipat mulja.
15. Dikadar kawiludjéngan, tiasa patépang deui, ama nadar ku pandu‘a, néda ka Jang Maha Sutji, ti wangkid ieu mugi, djudjur mulus tur rahaju, teu aja pantjabaja, wiludjéng lahir djeung batin, ulah pégat raratan kahidajatan.
16. Mung ama aja panéda, ménggah ka Agan sajakti, waktu iet ulah waka, aja galih hojong mulih, pamugi kédah rintih, ngantos wuku nu rahaju, kadua perkawisna, ama teh aja pamérih, maksad bade barémpag nu sajaktosna.
17. Mung éngke dina salsena, sabada pepes panggalih, babaran ku kasonoan, Agan sinaréngan rai, ajeuna mah pamugi, di dieu linggih tur téguh, kana djalan panéda, ka Gusti Jang. Maha Sutji, enggal handjat tina sagaraning lara.
18. Ajeuna mah nja sumangga, Agan sinaréng Sang Dewi, ngadadar sugri kabingah, ngilangkeun geusan prihatin, sugri kangéneés galih, djuru nungtun kana ngungun, ama saréng émbina, bade pindah kana madjlis, bari ngiring néda rahaju waluja.
19, Sang Radjaputra Purnama, saréng Sang Dewi Pramanik, dideuheusan Sang Pursita, sareng Manetja Manetji, tetép linggih di bumi, dikantun ku Maha Wiku, atuh leuwih salsena, njatjapkeun tunggara sédih, sili sembor ku saur djeung kasonoan.
20, Dewi Pramanik ngawitan, tumaros kalajan titi, ka Sang Pangeran Pinutra, bari murubut tjitangis. abdi néda pawarti, kumaha margina kitu pang lolos tanpa krana, dumugi sataun Jeuwih, luas Jolos ngantunan kabaruntakan.
