21. Sang Radjaputra ngandika, ka rai Dewi Pramanik, eh Njai geus tangtu pisan, mungguhing panjipta Njai, ĕngkang nu tanpa nolih, patut pantěs nja disebut, ilang tanpa karana, tembong kahinaan diri, matak era kasurak ka sabuana.
22. Nu ngaran Purnama Alam, leungit kairid ku djurig, ilang karuntjang ku setan, tapi da geus dihin pasti, diri ĕngkang pinanggih, kalěbah kana pakewuh, sabab kieu asalna, geura dengekeun ku Njai, urang dadar ku engkang asal-asalna.
23. Těras Sang Radjapinutra, tjatjarios tina awit, nalika rek siram di bak, kataradjang lěng teu eling, sarta kana dumugi, ari emut isuk- isuk, di kaputren Ambarak, djeung dilajad ku Kaswati, diwartoskeun beurat djěmbar ku dangdosan.
24. Dina palebah eta mah, gumuju Dewi Pramanik, dugi ilang kasedihan, bari njěbat deudeuh teuing, lir lain tĕrah gusti, kaputren ratu nu agung, naha atuh gamparan, teu aja timbangan teuing, ka nu nandang kalantar parna pikiran.
25. Ngandika Radjapinutra, naha naon nu dipambrih, anu matak kudu nimbang, ěngkang ka Njai Kaswati, ngawangsul Sang Pramanik. upama gamparan purun, ka Kaswati kantěnan, moal dumugi balahi, ibu-rama těrěsna nu lintang nista.
26. Ngandika deui Sang Putra, ngan sakitu sangka Njai, tapi lamun ĕngkang nimbang, anu leuwih nja balahi, sartana geus pinasti, ĕngkang reudjeung sěpuh-sěpuh, sumawonna Njai mah, ngan henteu kudu teh teuing, ditĕrangkeun anu ngadjadi sababna.
27. Engke ge sugan kasorang, katingal mungguh ku Njai, pang ěngkang baha teu nimbang, imut Sang Dewi Pramanik, tina margi kasurti, kana saurna Sang Sunu, bari njěbatkeun mangga, těraskeun laku Kaswati. hanteu lami Sang Putra kěbat wawarta.
28. Dongkap kana dipandjara, ku Sang Putiasukma 'Dji, sarta dugi kana lengna, teu eling di djěro bui, ku těnung Arja Patih, dina waktu eta istu, teu aja kauninga, ngan emut sanggeusna tanghi, dina katil di gědong Karangkamuljan.
29. Djeung dongkap kana něpangan, Patih Kumbaäring-aring, di kamar si Padjarangan, tobat sarta sěrah diri, ngagandek ngiring-ngiring, di guha si Bungbungümur, didadar teu kaliwat, sartana kana dumugi, kana mangsa kadongkapan ku Manetja.
30. Ningal sĕrat patilasan, djaman samemeh ngadjadi, waktu nudju lalangěnan, andjeunna sarengan rai, Sang Dewi Paramanik, kalĕngěr bawaning emut, hanteu aja katĕrang, emut-emut ĕnggeus tjalik, di pa-
