Ieu kaca geus diuji baca
11
juneun Sang Pandita Ragatoja.
- Geus tamat Sang Radjaputra, wawarti ka Sang Pramanik, babad salira andjeunna, ajana di Pusěrbumi, Dewi Pramanik nangis, bari njěbat aduh-aduh, hanteu njana gamparan, nampi tjotjobi nu leuwih, dihinakeun ku bangsa sipat rasěksa.
- Mung nuhun dikadar Allah, wiludjěng tina tjotjobi, ti nu sakitu runggana, bawaning ku milik abdi, baris lambat migusti, sumudjud ka bangsa agung, suměmbah ka kusumah, mung mugi ka Maha Sutji, bahja kitu teu njorang deui ahirna.
- Dewi Pursita kalintang, ngiringan těrěsna galih, nguping Sang Radja Pinutra, wawarti waktos balahi, dumugi ka ngagidir, pajuneun Pangeran Senu, manahna hěnteu njana, gělaran di alam lahir, rupa-rupa anu matak sipat bahja.
- Sarěng manahna Pursita, anu djadi kaget leuwih, jen ningal ka Sang Pinutra, sarěng ka Dewi Pramanik, estu sami guměling, asup kana nurub tjupu, taja pisan ningnangna, sami sadjatining rupi, estu mandjing disěbut tjahaja dunja.
- Sang Putra Purnama Alam, saparantosna wawarti, tĕras ka rai mariksa, ĕngkang rek nanja ka Njai, sarta poma teh teuing, ulah dibendung dikěmu, anu djadi sababna, pang Njai di dieu tjitjing, dirawatan ku kĕrsa ama Pandita.
**
Kumambang
- Sang Pramanik lintang kaewuhan galih, nu taja hinggana, kantun tjumalimba nangis, nampi pamariksa raka.
- Panggalihna Sang Putri Dewi Pramanik, lamun tĕrus těrang, pang ingkarna ti nagari, ku pangdjurung Sang Sri Nata.
- Inggis raka sisip galih nu sadjati, bubar kasabaran, pinasti leungit pěrtiti, tjonggah njababkeun ka rama.
- Tangtu matak kasiku narik balahi, tjambal pangawasa, ti lahir něpi ka batin, saat daradjat hidajat.
- Ari arek sěmbuni leuwih balahi, njieun tata tjurang, ka anu djadi salaki, serong bohong hěnteu tĕrang.
- Tangtu djadi nawuku di diri aing, nu nadah naraka, tjambal pangeusining ati, ngadjadi raraga murka.
- Kadangkala ditětěpkeun diri aing, anu nandang salah, ngalolos
