114.
PĔPĔNDĔMAN.
Aja doewa djĕlĕma oerang pilĕmboeran, ngadeuheus kahoekoem, njoehoenkeun bĕbĕnĕran adil, tjatoerna noe hidji: Poerwana koering ngadeuheus, meuli pakarangan ti ijeu tatangga koering, barĕng diotjek taneuhna, manggih pĕpĕndĕman, asa tatjan kenging dipiboga koe koering, sabab akadna meuli soteh koering mah taneuh djeung pĕpĕlakan bae.
Hatoerannana tatanggana: Nadjan koering teu ngadjoeal pĕpĕndĕman, sabab lain anoe koering, ngadjoeal soteh kĕbon bae, sarta teu roemasa ngaroewang babandaän teh, noe mawi tĕtĕp hanteu gadoeh milik miboga eta pĕpĕndĕman.
Saoer hoekoem pangadilan: Kijeu hoekoemannana, maneh bebesanan bae, noe ngadjoeal kĕbon djeung noe meuli, eta pĕpĕndĕman bahankeun ka anak maneh doewanana. Doewanana geus soemoehoen ka timbalan hoekoem, toeloej pada balik, rek ngalampahkeun satimbalan hoekoem, sarta pada boengah-boengah doewanana.
Ati bĕrsih eta taja tjatjadna sarta matak meunang noegraha di sawarga.
__________
Ijeu panganggeusan dongeng noe di loehoer teja: Kala mangsa moetoes bĕbĕnĕran teja, keur aja oerang nagara sedjen, parĕng aja di paseban, katjida heranna ngadangoekeun tjatoerna djĕlĕma doewa, omongna: Tjoba lamoen di nagara kawoela mah, lain kitoe pibĕnĕreunnana, sedjen katjida tĕtĕrapna: noe meuli moal ingĕt pisan nembongkeun pĕpĕndĕman teh, malah noe nimoe teh katjida njoempoetkeunnana, soepama teu disidĕmkeun, tangtoe noe ngadjoeal teh ngagoegat ka noe meuli lĕmah, soepaja pĕpĕndĕmannana kamilikkeun ka manehna, tapi waragadna prakara leuwih tina rĕga pĕpĕndĕman teja, ditjokot oesoer djeung sedjen waragad-waragad.
