ka loewar teu barang-bawa. Ti watĕs harita eta djĕlĕma teu daek maling-maling deui. Barĕngna rek paeh, lalampahannana baheula diwangsitkeun ka anak-anakna, bari dititah ngabakti ka goesti Allah.
__________
109.
NOE NJALIN ADAT.
Agoes Koesen bapana beunghar, djadi sakarĕp-karĕpna ki Koesen ditoeroetkeun bae. Tina bawaning katjida pangalĕmna, datang ka matak ngaloendjak, ogoan. Tapi ki Koesen keur boedak keneh, kaboeroe bapana maot, djadi ki Koesen sanggeus jatim, tjitjing di pamanna, doeloer indoengna, aja di pilĕmboeran matoehna. Ari tadina sok dahar ngeunah, ajeuna mah dahar saloembrahna bae, ari di dajeuh oenggal-oenggal peuting reja noe soekan-soekan, ari di pilĕmboeran sore-sore geus salasarean, hoedangna isoek-isoek. Ki Koesen keur anjar mah ngaroemas katjida koe panata oerang lĕmboer. Barĕng geus lawas mah njaho kana noe pimatakeun djadi kahadean, tadina ki Koesen gĕringan, oelatna pijas djeung rĕmĕn tatamba, barĕng geus djeung pamanna, tjagĕr sarta rosa; noe matak rĕmĕn ngomong kijeu: Bĕnĕr paman ngangaranan tiloe pĕrkara noe matak djadi kahadean hiroep, nja eta daek digawe, tĕmĕn-wĕkĕl, kira-kira djeung prajoga.
__________
110.
PANON-POWE.
Hidji powe mangsa ngidjih, aja boedak awewe, ngaran nji Misah, ngomong pokna: Panon powe teh naha moen tembong, soepaja tjaäng oelah haleumheum teuing, panĕdana
