Sa'ad, “Tilu duit.”
Ambu Sarti, ”Wah mahal, dibikeun sasenan mah dibeuli kabeh.”
Sa'ad teu nembalan, tuluy balik bebeja ka indungna, pokna, “Ema embung kuring mah dagang kere, ditawarkeun ka Bapa Ismal, pokna moal meuli, ka ambu Sarti, ditawar sasenan.”
Indungna seuri pokna, ”Atuh meureun bae ditawarkeun ka tukangna, nya moal dibeuli, sarua bae jeung dagang peda Ka Cirebon.”
15. DAH BAWANG DAH KAPAS.
Hartina : kudu brukbrak lamun barang beuli kudu sok duitna top barangna, atawa lamun rek tutukeuran kudu pada aya barangna.
Dina hiji sore, Nyi Ikung keur gorgar bae jeung Nyi Santi, pokna, “Heueuh ilaing Santi, sok hayang meunang sorangan, geuning bareto mah basa meuli geulang, ti kami, duitna tempo dua poe, cing atuh sili bales eta ali isuk ku kami diduitan.”
Ikung nyentak, ”Moal! moal! ti tadi oge, dibikeun ku kami dibeuli, tapi embung dianjuk, hayang dah bawang dah kapas”.
Atawa :
Si Omod bebeja ka bapana, pokna, ”Bapa! si Jahe ngajak tutukeuran, calana pokek jeung baju kutang, tapi pokna hayang dah bawang dah kapas,ku maha etah teh?”
Bapa, Kieu ari dah bawang dah kapas teh: ti sia sok calanana, nya kitu deui ti ditu sok bajuna, kudu harita bareng, tutukeuranana, bukti bajuna, bukti calanana.”
