na gede-gede teuing?" bari seuri.
Wangsulna: "Hih, Eteh, gede soteh m o al ceurik menta eusi ngan teu aya deui wadah."
53. MUNCANG LABUH KA PUHU, KEBO
MULIH PAKANDANGAN
kebo, = munding, pakandangan = kandang.
Hartina: awewe diserahkeun, balik ka indung bapana (nu ngumbara ka nagara sejen, lila-lila balik deui ka nagarana).
Nyimas Malati, urang lembur Awi, ditikah ku menak, tuluy dibawa ka dayeuh; barang geus meunang dua usum, Nyimas dikeser ku carogena, tuluy balik ka kolotna, nya eta ka lembur Awi.
Nyi Lurah nanya ka Nyimas, pokna: "Nyai keur naon di dieu!"
Wangsulna, "Da kuring mah parantos pirak, malah parantos lami."
Nyi Lurah, "A t uh muncang labuh ka puhu, kebo mulih pakandangan, nya?"
Nyimas, "Sumuhun."
Atawa :
Asna urang Cianjur, jadi jurutulis ka Garut, ari ti Garut dijadikeun deui Mantri ulu-ulu ka Cianjur, nu kitu oge muncang labuh ka puhu, kebo mulih pakandangan.
54. MULIH KA JATI PULANG KA ASAL
jati di dieu = asal.