268
Ari boedak beuntjireung naheunna nja dina panoedoehan Nji Sangkan tea, di noe tjetek djeung tarik tjaina.
Dĕmi Nji Sangkan naheun di noe hade, leuwina lioeh, tĕmpatna bagoes.
Ana ditaroöng isoekna, dĕmi Nji Sangkan mah tilok meunang laoek, sakitoe di noe hade, boeboena kosong tilok meunang.
Barĕng didjoengdjoengkeun boeboena si boetjireung, loba laoekna djeung aja laoek gĕde sahidji aranna loebang.
Ladjoe bae dibawa poelang.
Nji Sangkan tambah hewaeun ka boedak boentjireung.
Ari eta laoek gĕde tea teu dibikeun ka Nji Sangkan; ladjoe bae dikoekoet, ditjoö, diwadahan dina galoegoe[1] kaoeng.
Atoeh Nji Sangkan sewoteun djasa.
Ladjoe njarekan, ngan koe boedak boentjireung teu ilok dilawan.
Teu pati kĕbĕl deui ti harita, ladjoe Nji Sangkan ngadjak pĕpĕlakan di hoemana, mĕlak taleus.
Tapi nja kitoe bae: ari Nji Sangkan mah mĕlakna taleus dina taneuh bagoes noe lendo; dĕmi si boentjireung dititah mĕlak taleus di noe djore, dina hoenjoer noe taneuhna siang tjampoer djeung keusik.
Geus kitoe, ladjoe marĕlak taleus.
Tjarek Nji Sangkan ka boedak boentjireung: „wah, dia mah mĕlak taleus ogeh, mo ĕnja beutian da taneuhna djore, nja hoenjoer, nja siang djeung tjampoer keusik, diajana ogeh beutian, meureun ngan saoekoer ese[2] ngaing.”
„Ari ngaing mah tangtoe aloes djadina mangke rea beutina, da taneuhna lendo, ridoeh djeung bagoes.”
Boedak boentjireung teu nembal ngan dina hatena soesoeganan bae beutian.
Geus keuheul djasa, eta taleus, lagoe[3] beutian, ladjoe ditareang deui, tĕroes pada diraboet.
——————————
