Ieu kaca geus diuji baca
- Tapi lamoen handjoeang teh bělěgèran, montong soemělang galih, oelah koerang djiad, abdi masih goemělar, SAJANGHAWOE njěmbah indit, njiar handjoeang, teu lila ěnggeus manggih.
- SAJANGHAWOE mělakkeun tangkal handjoeang, reudjeung diati-ati, teu aja noe ningal, di aloen-aloen pisan, wantoening keur lakoe děmit, geus kitoe mangkat, barls mapag ngadjoerit.
- Dibarěngan koe batoer iloeanana, pada dangdanan djoerit, nja eta NANGGANAN, rawoeh Ki KONDANGHAPA, TERONGPEOT kitoe deuih, geus bral mariang, datang ka oproet tadi.
- Katjatoerkeun geus prak bae taroeng pěrang, teu silihtanja deul, djalma noe opatan, dihoeroep koe ratnesan, tapi hěnteu pisar gingsir, nadjan opatan, pada maratěk adji.
- Wědoek banjoe kabědasan hallmoenan, moen dikadek satjai lipoet saharita, sakitoe djadjatenna, balad Tjirebon matiis, noengtoetun loempat, malaboer boerak-barik.
- Boerakna teh ngidoel ngoelon ngater ngetan, hantém bae diberik, opat kapětěngan, SAJANGHAWOE NANGGANAN, djeung anoe doeaan deui, ěnggeus papisah, moesoehna diběběrik.
- Doea tiloe poë harita pěrangna, pada tatjan haralik, kotjap ki NANGGANAN, pangheulana moelangna, toeloej pendjoekan ka Goesti, lakoena pěrang, moesoehna kaboer miris.
- Mariksakeun Aki SAJANGHAWOE mana, walonna doeka Goesti, sareh pipisahan, waktoe ngalawan pěrang, tiloe dintěn tiloe wěngi, teu pisan těpang, djadjah pada ngadjoerit.
- Pilahirna GEUSAN OELOEN ka NANGGANAN, soegan katěmpoeh djoerit, walon ki NANGGANAN, doeka Goesti di mana. ngan batoer noe doea deui, radjeun katingal, dina waktos ngadjoérit.
- GEUSAN OELOEN ngadangoe hatoer NANGGANAN, bangět manahna sědih, djadi di manahna, Ki SAJANGHAWOE tiwas, ngan eta andělan djoerit, ajeuna tiwas, 'na rek koemaha deui.
- GEUSAN OELOEN njaoer RATOE HARISBAJA. pok nga lahir ka ral, eulis oerang tiwas, Ki SAJANGHAWOE tilar. teu timoe ichtiar deui, taja andělan, atoeh tjilaka diri.