Kiwarina pěrmana ngaboekti,
Patilasan tapak noe baheula,
Djadi basa djadi omong,
Bandoeng heurin koe tangtoeng,
Toenggoel pajoeng indoengna nagri,
Pada hajang ngioehan,
Noe deukeut noe djaoeh,
Loba anoe kapanasan,
Riab loenta anoe ka mana ka měndi,
Tinggal dajeuh maneuhna.
Aja deui anoe katingall,
Matak waas Goenoeng Tampoomas,
Tembong tengtong rawas katon,
Dina soekoena goenoeng,
Aja dajeuh noe katingali,
Dajeuh naon ngaranna,
Dirioeng koe goenoeng.
Goenoeng ti koelon ti wetan,
Sěmoena teh patapan anoe sarakti,
Nawing tjadasna bodas.
Saoer Raden moal salah deul,
Noe katembong dajeuhna Soemědang,
Koetamaja hedjo-lemok,
Dajeuh galoedra ngoepoek,
Pangoepoekan poetra djeung poetrl,
Soemdang sokawajana,
Tjarek sindir pantoen,
Sok ngawoela ka wajahna,
Ngapak ngapoeng kapindingan indoengpeuting.
Kalanat mega bodas.
Kari itoe noe sahidji deui,
Tembong katon djeg Goenoeng Tjirěmaj,
Tajohna dajeuh Tjirebon,
Rěboen-rěboen halimoen,
Samar-samar noe katingall,
Tjirěbon saka domas,
Djatining rahajoe,
Tilas patjarěmanana,
Ngaloehoeran rěnting sagěde papanting,
Rentang tjara bangbara.
