sapoé doea-tiloe kali. Sanggeus doea poë eta katjang malĕlĕntoeng djadi katjambah barodas araloes, Loba anoe tjarita, oerang oelah beuki teuing kana katjambah, sabab sapĕrkara hese lĕmboetna dina kadoet, kadoea ngahoedang kasakit lieur. Di Soerakarta djeung Djogjakarta aja oge noe njieun katjambah koe soeoek, Tjek noe bareuki: katjambah soeoek leuwih ngeunah batan katjambah katjang-herang.
Katjang-kadĕle sok disĕboet oge katjang-djĕpoen. Katjang-djĕpoen anoe sok diparĕlak di oerang, di Tanah Hindia aja doea roepa nja eta: hideung djeung bodas. Katjang-djĕpoen hideung sok didjarieun: ketjap; ari noe bodas sok didjarieun: tetempe djeung tahoe atawa takoa.
Dĕmi njieun tahoe kieu: eta katjang dibĕrĕsihan heula dipitjeunan koeloemoedna djeung kokotor lian ti eta; toeloej dikeueum dina tjai bĕrĕsih lilana kira² 6 djam, ti dinja toeloej dirieus sing lĕmboet. Sanggeus kitoe toeloej digodog make tjai noe herang, nĕpi ka djadi boeboer. Dimana eta boeboer geus tiis toeloej dioejahan sarta dipoeroeloekan poejĕr batoe-tao beunang meuleum. Ari anoe disĕboet batoe-tao teh, nja eta gips anoe tatjan dibeuleum, djolna ti nagara Tjina. Eta boeboer dimana dipoeroeloekan poejĕr batoe-tao toeloej kimpĕl tjara sĕle. Koe sabab tahoe atah kitoe babari bari, soepaja oelah bari, koedoe diantjlomkeun kana tjai godogan koneng, nja ti loearna roepana koneng. Ari pĕtana mitjeunna tjai tina tahoe, eta tahoe dipasagikeun toeloej diboelĕn koe lamak, ditindihan koe papan, nja eta ngarah tjaina kapĕrĕs.
Katjang kadĕle radjeun oge didjieun kadaharan, digodog dioejahan; osok oge diangeun.
Daoenna, koe oerang Djawa-Wetan, asal oelah noe garing bae, sok dipake parab sapi atawa koeda.
Pĕrloe ditjaritakeun di dieu: djĕlĕma anoe boga kasakit goela, hade pisan daek dahar roti katjang kadĕle. Ari njieunna roti kieu:
Koe oerang katjang teh dikeueuman sapoë, toeloej dipoë meunang ±2 djam; sanggeus kitoe toeloej ditoetoean ditipoeng, tipoengna dipoë deui nĕpi ka toehoer pisan. Ti dinja njokot ĕndog 6 atawa 8 mah, toeloej dikopjok, tapi dikopjokna beubeureumna koedoe dipisahkeun djeung bobodasna. Sanggeus kitoe toeloej njokot lahang satjangkir, tipoeng kadĕle tea ½ pon djeung oejah saeutik, eta kabeh ditjampoerkeun djeung ĕndog anoe beunang ngopjok tea didjieun adonan. Eta adonan koedoe digalĕj meunang saparapat djam, geus kitoe ditjitak diantĕp disina beukah lilana satĕngah djam. Ti dinja kakara dibeuleum: mimitina diseuneuan ti handap, toeloej ti loehoer.
Tetempe katjang kadĕle sarerea oge meureun moal bireuk, malah koemaha pĕtana njieunna geus ditjaritakeun dina almĕnak tahoen 1920 katja 104. Tapi hal di Djawa-Tĕngah sok loba anoe njarieun
- 56 -
