97. Ti dinja těroes ka kota, Rangkasbitoeng moedji soekoer ka Goesti, rea panendjo noe asoep, kana pikiran koela, pikeun tambah salamětna Rangkasbitoeng, koela mondok di boemina, Kandjěng Dalěm Adipati.
98. Dina doea poě koela, oenggal isoek satěngah gěněp bidjil, něpi kana poekoel toedjoeh, koela pěpělěsiran, djalan-djalan moetěr kota Rangkasbitoeng, nendjoan djalan poetěran, salěga kota teu kari.
100. Djeung disawoer sapandjangna, koe karikil batoe anoe laleutik, sisina dilěmpěng djoekoet, siga djoekoet domdoman, beunang mabad ditendjona moetoer, aloes, sapandjangna dipagěran, kajoe hiroep geus djaradai.
101. Sadajana ditahangan, 'na simpangan pikeun noe asoep bidjil, sakoer djalan oenggal toengtoeng, atawa tikoengan, diajakeun gardoena teuing laloetjoe, djeung sakabeh imah-imah, lipět sabaraha kali.
102. Kaaloesan imah-imah, jen ditimbang ti asal basa tadi, keur tahoen salapan poeloeh, sarěng meh ieu teu kakara, mana miskin mana noe kaitoeng mampoeh, toeloej mikir deui koela, koemaha beunangna djadi.
103. Lamoen hanteu sasoenggoehna, reudjeung paksa marentah para abdi, ninggalkeun sakoer noe perloe, oepama maen kitoe mah nadjan reudjeung peurih peudjit ěnggeus tangtoe, Boemipoetra milampahan, oge tina sěbab adjrih.
104. Tapi dina sabalikna, koe ingetan koela dipikir deui, koemaha da apan woengkoel, sawah-sawah kaboeka, anoe tadi barěra ajeunan tjoekoel, pělak pare tambah-tambah, madjoe hanteu koerang tjai.
105. Djoeng angkat bae koela, keur neangan aja alamat anoe pasti, niitah batoer njogok loemboeng, kabeh aja eusian, malah rea parena noe masih pinoeh, alamat teu koerang těda, měgat sěnang para abdi.
VII.
106. Pangkoer gěntos ajeuna těmbang magatroe, harita beh aja sapi, kawasna sapi teh ma'loem, jen kaoela mikir-mikir, tetela neuleu pasěmon.
107. Kana sandi oepaja koela saestoe, tanda jen sapi ngarti pokna awon kapioendjoek, abdi njoehoen moegi-moegi, sadaja noe matak helok.
108. Dimanahan koe gamparan langkoeng djaoeh, krantěn mangsa, kiwari para abdi oerang lěmboer, hanteu soesah noe dibeuli, moerah pare bonteng djagong.
