Oerang njokot boeloe hajam, toeloj digorokkeun; eta boeloe hajam těroes dioesapkeun kana tatoena. Moal lila oge njěrina leungit.
Koe seuneu.
Oebar anoe matih kana kasoendoet, geutah gedang. Lamoen ngoebarkeunana harita keneh, Moal něpi ka kěmboeng atawa njëri. Tapi koedoe ati² bisi kana panon. Lamoen euweuh gědang, hade dioebaran koe apoe seupah djeung minjak lěndah.
Gondongeun.
Oebar gondongeun aja tiloe roepa anoe bakoe:
- Poetjoek tjalingtjing-woeiét sapoeloeh ranggeuj, bawang beureum opat sihoeng, digelang masing lemboet; toeloej dioebarkeun ka noe bareuhna.
- Boelao sasiki djeung tjoeka dioebarkeun ka noe bareuhna.
- Beuti bakoeng diparoed 'sing lemboet, dlwadahan koe Jamak, ditaplokkeun di noe bareuh tea.
Ngising-gětih djeung mentjret.
Domdoman ½ pond (bobot roepia 25), hadés 20 siki, poetasari sagede tjinggir, kajoemanis sakitoe deui, saroea djeung poelasari tea; tjaina 4 botol. Toeloej digodog něpi ka tjaina kari 3 botoleun deui. Oenggal ngarasa hanaang koedoe nginoem eta. Ari dahar koedoe sangoe tim bae djeung laoek hajam anoe koeroe.
Kasoera.
Oerang Priboemi lamoen kasoera soekoena, biasana sok dioebaran koe geutah tikelbaloeng; mindeng pisan tjoetjoekna sok bidjil koe maneh. Ngan poma masing ati² bisi eta geutah kana panon.
Kesang-meuting djeung sabangsana.
Eta kaasoep kana panjakit koelit keneh, babakoena ajana dina oesoem ngidjih; ari roepana barentoes sarta rasana ateul. Démi oebarna:
- Bangkoeang ditjampoer djeung warirang saroea lobana, didjieun baloer. Ari pahinoemna těmoe-lawak, asem djeung goela kawoeng; těmoe lawakna sahoeloe, asem sagěde endog, goela sumeujeuhnana bae, tjaina sabotol limoenade: toeloej digodog něpi ka tjaina kari satengahna deui. Ari ngoejoepna henteu koedoe dianggérkeun waktoena, darapon daek bae, dina sakalina saregot.- 74 -
