Ieu kaca geus divalidasi
- Dikoembah koe godogan daoen asem djeung daoen sẽmboeng haneut-koekoe.
Hileudeun.
Oebarna:
- Daoen patjar koekoe dirieus djeung gambir, masing lemboet,toeloej ditaplokkeun. Oenggal 12 djam diganti.
- Tjangkang katjang-boentjis beureum anoe geus asak, dibeuleum diarah lěboena; toeloej ditinjoeh koe tjiasak; panas dioebarkeun.
Intjok.
Anoe babakoe koedoe daek mantangan: iwoeng djeung kelor; bangsa daging sabeunang-beunang oelah loba², saeutik bae, djeung oelah sok nginoem tjikalapa.
- Baloerna koe daoen tjikaltoelang diběběk djeung apoe seupah.
- Lamoen pangna njarěri dina sandi teh lantaran moeriang atawa malaria, oebarna koe těmoe-lawak djeung daoen měměniran disědoeh tjara enteh, diinoem.
- Dina rek sare koedoe dibaloer koe godogan akar gědang-gandoel, oejah djeung arak. Ari njieunna kieu: Koedoe njokot botol-anggoer, toeloej eusian běběkan akar gědang-gandoel tea anoe lëmboet, sing pinoeh satengahna; oejah sasendok-dahar, kajoepoetih doea sendok-dahar, tjoer tjitjian arak sing něpi ka pinoehna; geus kitoe eta botol toeloej ditjotjokan koe kajoe-gaboes sing rekep pisan; ti dinja dipoë meunang sapoeloeh poë lilana. Kakara hade dioebarkeun.
- Pěděs 100 siki, tjengkeh 50, pala 5 djeung daoen balingbing 100 lambar; eta kabeh dirieus masing lemboet; toeloej tjitjian tjoeka lahang ½ botol limoenadě; geus kitoe těroes digodog. Haneut² dibaloerkeun 2 à 3 kali sapoëna. Saban 'tas dibaloer koedoe diingkeun lilana sadjam. Ari ngaberesihanana deui (mitjeunna) koedoe koe tjihaneut.
Batoek.
Batoek aja roepa, lantaranana beda², oebarna oge sedjen². Ari anoe sok diparake ieu:
- Dina arek sare djeung dina barang hoedang, dahar roedjak letahboehaja sasendok gede, goelana koe sirop. Ari boedak mah sasendok teh oge meudjeuhna.
- Lamoen batoek ngohkoj, oebarna koe poetjoek waroe digodog make goela batoe. Di mana keur karasa, ngohkoj. koedoe nginoem salĕgoek.- 76 -
