Ngaberesihan eunteung.
Ngaberesihanana eunteung dikosok lalaoenan koe tjai haneut koekoe noe geus meunang njampoeran koe ammonla saeutik. Tapi kade oelah antěl kana palipidna (ělesna) soemawonna moen erěmas mah.
Lamoen eta eunteung lila teu diběrěsihanana těpi ka roto tingběrěntjlok, leuwih hade dikosok koe kapoer meunang ngarieus ditjampoeran koe alcohol atawa spiritus sing djadi boeboer. Eta boeboer dipoelaskeun kana eunteung, antěp sing těpi ka toehoerna, toeloej dipoepoes deui koe lamak bangsa pěrnel atawa soetra.
Ngaběrěsihan wadja.
Ngaběrěsihan wadja dikosok koe hampělas kěrětas noe aloes pisan No. 0 ngosokna koedoe anggěr sadjalan bae. Batoe asahan beunang ngaběběk sing lemboet, eta oge hade baris ngosok wadja. Eta běběkan batoe asahan ditjampoeran minjak tanah atau spiritus, toeloej kosokkeun make lamak pěrnel, geus kitoe dikosok deui koe běběkan noe toehoer make lamak toehoer.
Ngaběrěsihan tambaga.
Tambaga diběrěsihanana dikosok koe běběkan batoe asahan ditjampoeran minjak terpentijn atawa minjak tanah. Dimana geus toehoer ěnja, dikosok koe lamak soetra atawa pěrnel noe toehoer.
Oge bisa diběrěsihan koe dikeueum dina tjai borax beunang ninjoeh koe tjai, toeloej dikosok koe djěroek beunang ngeureut, geus kitoe dikoembah deui, djeung dikosok sing těpi ka toehoer.
Ngaběrěsihan gading
Mimitina barang² noe didjieunna koe gading teh díkoembah koe saboen atawa dina tjai haneut-koekoe, oepama tatjan běrěsih bae, dikosok deui koe oejah atawa tjoeka djeung tjidjěroek. Hade oge toeloej dipoë, tapi moëna, koedoe ati² oelah těpi ka garing pisan, karana lamoen garing teuing sok bengkok.
Miara barang² bangsa perak.
Soepaja barang bangsa perak tětěp aloesna koedoe dioeroes hade² panglilana oge tiloe minggoe sakali mah koedoe diběrěsihan.
Koedoe ati pisan soepaja oelah goegoes, noe matak diteundeunna oge oelah dibaoerkeun djeung bangsa barang noe seukeut. Ari ngoembahna koe tjipanas beunang njampoeran koe ammonia sa-
