Kaca:Wawacan Ahmad Muhammad.djvu/322

Ti Wikipabukon
Ieu kaca geus divalidasi
323
 
15.

Sor ka payun tangkap bari pasang tadah,
Raja Gondani seug gasik,           (154)
Ngabungkeun eta gada,
Jegur lir sora sagara,
Ditadah ku Sang Manjeti,
Gewat kapengna,
Lir batu ninggang pantiki.

16.

Ting burinyai diaud kepeng jeung gada,
Dua kah tilu kali,
Kuat kepeng Dén Ahmad,
Musuh gewat henteu obah,
Raja Gondana ngalahir,
Héy coba Ahmad,
Coba seg males ka aing.

17.

Radén Ahmad gesik males nyandak gada,
Sang Raja Gondani gasik,
Nyandak kepengna malela,
Pikeun nadah gada Ahmad,
Rahadén Ahmad Manjeti,
Geus ngulung gada,
Hiyuk Radén Ahmad neunggeul tarik.

Dicomot ti "https://su.wikisource.org/w/index.php?title=Kaca:Wawacan_Ahmad_Muhammad.djvu/322&oldid=25656"