Ieu kaca geus divalidasi
71
- Nya éta ka kutamaya,
pada hébat sakabéh abdi,
pada maruru ngambung,
saréh lami angkatna,
kagét héran cacatur jeung pada batur,
ngiring atoh gusti urang,
mulihna ngaboyong putri. - Pada hayang narongtonan,
réh kakara aya di dinya putri,
kacaturkeun Geusan Ulun,
banget sumelang manah,
réh sawadi Harisbaya geus miunjuk,
enggeus ngadeg dua bulan,
ngan kantun sumelang ati. - Kitu hatur Harisbaya,
tayoh ulah raka sumelang galih,
tatapina Geusan Ulun,
banget sumelang manah,
réh geus angkat nyacat nu sakitu jauh,
ti Cirebon ka Sumedang,
tur angkatna beurang peuting. - Ratu Emas Harisbaya,
sasumpingna kalangkung hégar galih,//31
hébat ningal gunung,
leuweung mah sumawona,
geus kalangkung istu leuweung luwang liwung,
ti Cirebon ka Sumedang,
nanjak mudun komo rumpil.
ka Sumedang eggeus sumping.
