Ieu kaca geus divalidasi
- Lajeng calik ka paséban
Patih Erum patih Mesir
Tuluy baé sasauran
Kamanah ku patih Mesir
Carios Patih Cangkiling
Diutus ku Raja Erum
Énggal ti paséban budal
Sejana marek ka gusti
Énggal mangkat patih Mesir nu ti heula - Sup lebet ka padamelan
Énggalna marek ka gusti
Raja Mesir seug ngandika
Haturan Radén Patih
Patih jawab bari indit
Nuhun gusti amit munjung
Nyanggakeun serat cong nyembah
Dicandak ku raja Mesir
Lajeng dibuka serat dijawang diwaca - Patih mindo ngadeuheusan
Patih Erum Patih Mesir
Jol sumping ka nagri Mesir
Geus dongkap ka alun-alun
Patih lungsur tina kuda
Dipapag ku raja Mesir
Enggeus tepang tangkeup tangan
Sasalaman