Ieu kaca geus divalidasi
40
| 126. | Geus tinangtu aya patih jin nu bijil, tah eta anu ngajaga, wakil ibu anu pasti, tah ieu geora tampanan. |
| 127. | Lajang nyembah Den Lalana hormat tadim, nampi jimat tea, sareng dipasihan duit, keur bekel engke di jalan. |
| 128. | Ieu Agan duit tilu ratus ringgit, keur bekel dí jalan, ke Den Lalana ditampi, bari nyembah Raden angkat. |
| 129. | Lajeng mios ngantunkeun ibu nu nangis, murubut cisoca, wantu masih murangkalih, diajar titah lalana. |
| 130. | Tibelatna geus lain caturkeun deui, harita geus dongkap, lebah alun-alun panggih, sareng Den Brahma Cendala. |
| 131. | Den Brahmana panakawan ngalahir, tenjo si Lalana, sakeundeung deui lastari, ditundung ku kangjeng rama. |
| 132. | Mun ka leuweung tangtu dibakan dedemit, di kota kalapanran, ceuk Cendala mawa duit, diberean ku ibuna. |
| 133. | Seueur pisan bekel keur lunta ti nagri, malum anu nyaah, wantu anu dipiasih, goreng rupa alus bagja. |
| 134. | Den Barahma nyentak nyengor semu pusing, mun kitu percumah, tangtu gagal moal mati, pek pagat rebut duitna. |
Pupuh Magatru
| 135. | Lamun beunang ku maneh duitna untung, ki Cendala atoh teuing, lumpat tarik buru-buru, geus ngujubkeun loba duit, lumpatna teh puratperol. |
| 136. | Barang dongkap ka palebab, alun-alun, Cendala ngagero tarik, he Latana maneh tunggu, dago handapeun caringin lajeng liren Raden Anom. |
| 137. | Ki Cendala runghap-renghap ngomong seru, kadieukeun eta duit, mun teu mikeun ke ditumbuk, ku aing rek ditampiling, sia kojor, ngomongna bari molorot. |
